चट्याङ लागेर सल्यानमा एक प्रधानाध्यापकको मृत्यु

काठमाडौं– चट्याङ लागेर सल्यानमा एक जनाको मृत्यु भएको छ । मृत्यु हुनेमा कालीमाटी गाउँपालिका–१ लक्ष्मीपुर सातखोलाका ५६ वर्षीय दलबहादुर कार्की रहेका छन् ।

Advertisement

उनी कालीदेवी माध्यमिक विद्यालयका प्रधानाध्यापक समेत हुन् ।

सल्यान प्रहरीका अनुसार सोमबार बेलुका कार्की आफ्नै घर नजिकैको गोठमा गएका बेला चट्याङले हानेको थियो । गम्भीर घाइते भएका उनलाई उपचारका लागि जिल्ला अस्पताल सल्यानमा लिइएको थियो । त्यहाँ उनलाई डाक्टरले मृत घोषणा गरेका थिए ।