पोलियो विरुद्धको खोपका लागि गाजामा युद्ध रोक्न इजरायल सहमत

एजेन्सी– गाजामा बालबालिकालाई पोलियो विरुद्धको खोप लगाउने प्रयोजनका लागि इजरायल युद्ध रोक्न सहमत भएको छ ।

Advertisement

विश्व स्वास्थ्य सङ्गठन (डब्ल्यूएचओ) ले इजरायलले गाजामा बालबालिकालाई पोलियो विरुद्धको खोप लगाउन युद्धविराम गर्न र अन्य मानवीय सहायताका लागि सहमत भएको जनाएको हो ।

गाजा पट्टीमा सञ्चालन हुने यस खोप अभियानमा ६ लाख ४० हजार बालबालिकालाई खोप लगाइने डब्ल्यूएचओका वरिष्ठ अधिकारी रिक पेपरकर्नलाई उद्धृत गर्दै बीबीसीले लेखेको छ । पर्सि आइतवारदेखि सुरु हुने खोप अभियान ३ दिनसम्म चल्ने छ ।