बाँकेको नरैनापुरमा झाडापखालाका कारण चार जनाको मृत्यु भएको आशङ्का, १० जना बिरामी

काठमाडौं – बाँकेको नरैनापुरमा झाडापखालाका कारण चार जनाको ज्यान गएको आशङ्का गरिएको छ ।

Advertisement

नरैनापुर गाउँपालिका–३ गेगली गाउँमा झाडापखाला फैलिएको छ । गाउँमा केही बिरामी परेका छन् । बिरामीमध्ये चारजनाको ज्यान गए पनि झाडापखालाबाट ज्यान गएको भन्ने आधिकारीक पुष्टि हुन बाँकी नै रहेको जिल्ला स्वास्थ्य कार्यालय बाँकेका प्रमुख नरेशबाबु श्रेष्ठले बताए ।

भारतीय सीमासँग जोडिएको गेगलीमा झाडापखालाका कारण १० जनाभन्दा धेरै बिरामी भएका छन् । त्यहाँ झाडापखाला फैलिएको जानकारीमा आएको तर झाडापखाला नै मुख्य कारण हो वा होइन भन्ने यकिन गर्न आज स्वास्थ्यकर्मीसहितको टोली खटिने उनले बताए ।