दिल्लीका मुख्यमन्त्री केजरीवाललाई धरौटीमा छाड्न आदेश

काठमाडौं– भारतको सर्वोच्च अदालतले दिल्लीका मुख्यमन्त्री अरविन्द केजरीवाललाई धरौटीमा छाड्न आदेश दिएको छ ।

Advertisement

दिल्लीको मदिरा सम्बन्धी नीतिमा घोटाला गरेको भन्दै सिबिआईको हिरासतमा रहेका केजरीवाललाई शुक्रबार सर्वोच्च अदालतले जमानतमा छाड्न आदेश दिएको हो ।

न्यायाधीशहरू सूर्यकान्त र उज्वल भुयनले मुख्यमन्त्री केजरीवाललाई १० लाख धरौटीमा छाड्न आदेश दिएको टाइम्स अफ इन्डियाले जनाएको छ । तिहाड जेलमा रहेका केजरीवाललाई आज नै छाड्ने तयारी छ ।

आम आदमी पार्टीका नेता ६ महिनापछि जेलबाट निस्किन लागेका हुन् । यसअघि इन्फोर्समेन्ट डाइरेक्टरेटले पक्राउ गर्दा पनि उनी जमानतमा छुटेका थिए ।