पाँच दिनअघि ‘मिस्टर काठमाडौं’ जितेका प्रकाश राईको निधन

काठमाडौं– पाँच दिनअघि मिस्टर काठमाडौं शारीरिक सुगठन प्रतियोगिताको उपाधि जितेका प्रकाश राईको निधन भएको छ ।

Advertisement

आज बिहान उपचारका लागि राईलाई धापासीमा रहेको ग्रान्डी अस्पताल पु¥याएकोमा डाक्टरहरूले मृत घोषणा गरेका हुन् । बिहान ६ बजेतिर राई होटलमै ढलेपछि अस्पताल लगिएको थियो ।

मोरङ पथरीका ४५ वर्षीय राईको मृत्युका कारण डाक्टरहरूले औपचारिक रूपमा बताएका छैनन् । महानगरीय प्रहरी वृत्त महाराजगञ्जले मोरङबाट परिवारका सदस्य र आफन्त आएकाले शवको परीक्षणसहितका प्रक्रिया थालिने जनाएको छ ।

गएको शनिवार दशरथ रङ्गशालामा रहेको कभर्ड हलमा भएको पाँचौं खुला मिस्टर काठमाडौं शारीरिक सुगठन प्रतियोगिता राईले जितेका थिए ।