स्याङ्जामा जिप दुर्घटना हुँदा ७ जना घाइते

काठमाडौं– स्याङ्जाको आँधिखोला गाउँपालिका–२ स्थित भालेखर्कमा जिप दुर्घटना भएको छ ।

Advertisement

प्रहरीका अनुसार सिरुबारीबाट पोखरातर्फ जाँदै गरेको ग १ ज ५७५६ नम्बरको बोलेरो जिप ब्रेक फेल भएर सडकको नालीमा पल्टिएको हो ।

दुर्घटनामा परेर ७ जना घाइते भएका छन् । घाइते हुनेमा आँधिखोला–५ घर भएका आत्मराम सिग्देल, कलावती घिमिरे, सिर्जना चापागाईँ, अमना नेपाली, शान्तिकुमार सापकोटा, शिव सिग्देल र ३ वर्षीया सोफिया नेपाली छन् ।

जिप चालक अर्जुनचौपारी गाउँपालिका–५ घर भएका २७ वर्षीय सागर विश्वकर्मालाई पक्राउ गरिएको प्रहरीले जनाएको छ ।