सेयर बजार सामान्य अंकले बढ्यो

काठमाडौँ —साताको अन्तिम कारोबार दिन पनि सेयर कारोबार मापक नेप्से परिसूचक उकालो लागेको छ । नेप्से २.४७ अंकले बढेर २७४५.३६ विन्दुमा बन्द भएको हो ।

Advertisement

दसैं बिदापछि गत मंगलबारदेखि खुलेकाे सेयर बजार लगातार बढिरहेको छ । आज ८९ कम्पनीको सेयर मूल्य बढ्यो भने १४२ कम्पनीको मूल्य घट्यो । कुल १३ कम्पनीको मूल्य स्थिर रहेका छन् ।

कुल १ करोड ८८ लाख ७ हजार ४९२ कित्ता सेयर किनबेच भए । आज ८० हजार ५ सय ९५ पटकको सेयर किनबेचबाट ७ अर्ब १९ करोड २७ लाख रूपैयाँको सेयर कारोबार भएको छ ।

कुल १३ उपसमूहमध्ये ७ उपसमुह बढे भने अन्य उपसमूहहरु घटे । घट्ने उपसमूहहरुमा होटल तथा पर्यटन, ट्रेडिङ, जिवन बिमा, विकास बैंक रहेका छन् । बढ्ने उपसमूहहरुमा उत्पादन तथा प्रशोधन, फाइनान्स, बैंकिङ रहेका छन् ।