अमेरिकाविरुद्धको टी–ट्वेन्टी आई सिरिजमा नेपालको क्लिन स्विप

काठमाडौं– अमेरिकाविरुद्धको टी–ट्वेन्टी सिरिजमा नेपालले क्लिन स्विप गरेको छ। नेपालले अमेरिकालाई घरेलु मैदानमा तीन खेलको सिरिजमा क्लिन स्विप गरेको हो ।

Advertisement

सिरिजको पहिलो खेल १७ रनले जितेको नेपालले आइतबार बिहान भएको दोस्रो खेल सुपर ओभरमा जित हात पारेको थियो । तेस्रो खेलमा नेपालले ८ विकेटले विजयी बने सङ्गै क्लिन स्विप गरेको हो । आईसीसी विश्वकप लिग टू अघिको सिरिजबाट नेपाली टोलीले लयमा फर्किएको सन्देश दिएको छ।

अमेरिकाको डालसस्थित ग्रान्ड प्रेरी स्टेडियममा अमेरिकाले टस जितेर ब्याटिङ रोजेको थियो। अमेरिकाले निर्धारित २० ओभरमा ५ विकेटको क्षतिमा १ सय ५६ रन जोडेको थियो।

एकसय ५७ रनको लक्ष्यसहित मैदानमा उत्रिएको नेपालले १६ दशमलव ४ ओभरमा २ विकेट गुमाएर लक्ष्य पुरा गर्न सफल बन्यो । नेपालका लागि आशिफ शेखले अर्थशतक पुरा गरे। अनिल शाहले १३ रन, कुशल भुर्तेलले ४० रन र कुशल मल्ल ४४ रन जोडे ।

कात्तिक ९ गतेदेखि डालासमा नै नेपालले अमेरिका र स्कटल्यान्डसँग लिग-टू सिरिज खेल्ने तालिका छ।