धादिङमा भ्यान दुर्घटना हुदा ११ जना घाइते

काठमाडौं– पृथ्वी राजमार्ग अन्तर्गत धादिङको थाक्रे गाउँपालिका- ६ मा विद्युतीय भ्यान दुर्घटना हुँदा ११ जना घाइते भएका छन् ।

Advertisement

काठमाडौंबाट चितवनको कुरिनटार जाँदै गरेको बागमती प्रदेश ०१–०३० च ७६५९ नम्बरको विद्युतीय भ्यान अनियन्त्रित भई सडकबाट तल खसेको जिल्ला प्रहरी कार्यालय धादिङका प्रहरी निरीक्षक प्रल्हाद सिलवालले जानकारी दिए ।

घाइतेहरुमध्ये तीन जनाको अवस्था मध्यम र अन्यको अवस्था सामान्य रहेको उनले बताए । सो भ्यान मनकामना दर्शनका लागि जाँदै गरेकाहरुले रिजर्भ गरेको बताइएको छ ।

दुर्घटनामा परि घाइते भएकाहरुको दुर्घटनास्थल नजिकै रहेका स्वास्थ्य संस्थामा उपचार भइ रहेको सिलवालले जानकारी दिए ।