पूर्वसभामुख दमननाथ ढुंगानाको निधन

काठमाडौं–पूर्वसभामुख दमननाथ ढुंगानाको निधन भएको छ । ८३ वर्षीय ढुंगानाको उपचारका क्रममा आज दिउँसो २ बजे पुरानो बानेश्वरमा रहेको फ्रन्टलाइन अस्पतालमा निधन भएको हो । एक महिनादेखि उनको कलेजोको उपचार चलिरहेको थियो ।

Advertisement

वरिष्ठ अधिवक्तासमेत रहेका ढुंगाना २०४८ सालदेखि २०५१ सम्म सभामुख थिए । उनी २०४८ सालको आमचुनावमा काठमाडौं क्षेत्र नम्बर २ बाट जितेपछि सभामुख भएका थिए ।

ढुंगाना २०७४ सालको आमचुनावमा भक्तपुर क्षेत्र नम्बर २ बाट कांग्रेसको उम्मेदवार भएर पराजित भएका थिए ।