सप्तकोसीमा पुरुष र महिलाको शव फेला

काठमाडौं- सुनसरीको बराहक्षेत्र नगरपालिकाको सप्तकोसी नदी किनारामा एक महिला र एक पुरुषको शव भेटिएको छ ।

Advertisement

सप्तकोसीमा शव देखेपछि स्थानीयले प्रहरीलाई खबर गरेको प्रहरीले जनाएको छ । प्रहरीका अनुसार इलाका प्रहरी कार्यालय महेन्द्रनगरबाट प्रहरी परिचालन गरि शवको परीक्षणका लागि बीपी कोइराला स्वास्थ्य विज्ञान प्रतिष्ठान धरानमा पठाइको छ । महिलाको शव बराहक्षेत्र– ९ मा र पुरुषको शव बराहक्षेत्र– १ को सप्तकोशी किनारामा भेटिएको हो ।

महिलाको शव सडेगलेको अवस्था फेला पारिएको हो । पुरुषको शव भने आफन्तले चिन्न सक्ने अवस्थामा रहेको प्रहरीले जनाएको छ । महिला र पुरुषको शवको पहिचान नखुलेकाले कोशी प्रदेशभरीका प्रहरी कार्यालयहरूमा जानकारीका लागि पत्राचार गरिएको छ ।

प्रहरीले घरबाट कोही बेपत्ता भएको भए बीपी प्रतिष्ठान धरानमा आएर शवको पहिचान गरी सहयोग पुर्याउन प्रहरीले अनुरोध छ ।