सेयर बजार १५ अङ्कले बढ्दा कारोबार रकम भने घट्यो

काठमाडौं– सेयर बजार आज बढेको छ । सेयर बजार परिसूचक नेप्से आज १५ दशमलव ८३ अङ्कले बढेर दुई हजार ६ सय ८३ दशमलव २४ विन्दुमा पुगेको छ ।

Advertisement

आज उत्पादन र म्युचल फन्ड बाहेक सबै समूहको सेयर बढेकोमा विकास बैंक, फाइनान्स, होटल, बीमा समूहको सेयर उच्च अङ्कले उकालो लागेको छ ।

आज बेस्ट फाइनान्स, सुपर मादी हाइड्रोपावर, कर्पाेरेट विकास बैंक, स्वाभिमान लघुवित्त र सप्तकोशी विकास बैंकको सेयर नौ प्रतिशतभन्दा धेरैले बढेको छ । समग्रमा बजार बढेको दिन ङादी ग्रुप पावर कम्पनीको सेयर भने १० प्रतिशतले घटेको छ ।

आज नेप्से बढे पनि कारोबार रकम भने घटेको छ । हिजो सात अर्ब ७२ करोडको सेयर कारोबार भएकोमा आज तीन सय नौ वटा कम्पनीका एक करोड २२ लाख कित्ता सेयर ६ अर्ब ३४ करोड रुपैयाँमा किनबेच भएको छ ।