बसको ढोकाबाट खसेर तारकेश्वरमा दुई जनाको मृत्यु

काठमाडौं– काठमाडौंको तारकेश्वर नगरपालिका–८ मा बसको ढोकाबाट खसेर दुई जनाको मृत्यु भएको छ ।

Advertisement

मृत्यु हुनेमा नुवाकोटको ककनी गाउँपालिका–५ बस्ने ५० वर्षीय सन्च बहादुर लामा र नुवाकोटकै तादी गाउँपालिका–१ का ५८ वर्षीया सुन्तरी ओझा छन् ।

उनीहरू आज बिहान बसको ढोकाबाट खसेका थिए । ढोकाबाट खसेपछि गम्भीर घाइते भएका उनीहरूको त्रिवि शिक्षण अस्पतालमा उपचारका क्रममा मृत्यु भएको प्रहरीले जनाएको छ ।

त्यस्तै, बसका सह–चालक पनि बसबाट खसेर घाइते भएका छन् । उनको राष्ट्रिय ट्रमा सेन्टरमा उपचार भइरहेको छ ।

चालक भने फरार छन् उनको खोजी भइरहेको प्रहरीले जनाएको छ ।