धादिङमा पुष ४ देखि खुल्ला फुटसल प्रतियोगिता हुने

धादिङ– जिल्लाको सदरमुकाम धादिङबेशीमा फुटसल प्रतियोगिता हुने भएको छ । ख्रीष्टमस २०२४ को अवसरमा हिमालय सामुदायिक मुक्ति समाज (हिम्स नेपाल), नगर इसाई समाज र महिमा युथ क्लवले संयुक्त आयोजनामा पुष ४ गतेदेखि फुटसल प्रतियोगिता गर्न लागेको हो ।

Advertisement

ख्रीष्टमसको अवसरमा शुभकामना आदान–प्रदान गर्ने र अन्य संघ संस्थाहरुसँग सम्बन्ध थप सुमधुर बनाउने उद्देश्यले फुटसल प्रतियोगिता आयोजना गरिएको महिमा युथ क्लव धादिङको संयोजक शमुयल तामाङले जानकारी दिए । ‘राष्ट्रका लागि खेलकुद, स्वास्थ्यका लागि खेलकुद भन्ने नारा नै छ । पछिल्लो समयमा त्यति धेरै खेलकुद प्रतिस्पर्धा भएको पाइदैन । खेलप्रेमीहरु साथीहरु तथा खेलाडीहरुलाई यो प्रतियोगिताले हौसला थप्ने विश्वास रहेको छ’ उनले भने ।

तामाङका अनुसार खेल्न इच्छुक टिमले पुष ३ गतेसम्म टिम दर्ता गरि सक्नु पर्नेछ । टिम दर्ताका लागि ९८५११३०९०५,९८४३२६१६१७ र ९८४९३०६९६८ मा सम्पर्क गर्न सक्नुहुन्छ । टिम दर्ता शुल्क ४ हजार ५ सय रहेको छ । प्रथम, द्धितिय र तृतिय हुने टिमले क्रमशः २० हजार, १० हजार र ५ हजार नगद, ट्रफी, मेडल र प्रमाणपत्र पाउने छन् । खेल धादिङबेशीमा रहेको धादिङ फुटसलमा हुनेछ ।

मिडिया पार्टनरको रुपमा जिल्लाको पहिलो सामुदायिक रेडियो, रेडियो धादिङ र नेपालपथ डटकम रहेका छन् । पुष ५ गते धादिङ फुटसलमा नै धादिङ इसाई समाजको शुभकामना आदान–प्रदान कार्यक्रम पनि रहेको तामाङले जानकारी दिए ।