नेपाल पत्रकार महासंघ धादिङका अध्यक्ष सिताराम अधिकारी सम्मानित

धादिङ– नेपाल पत्रकार महासंघ धादिङका नवनिर्वाचित अध्यक्ष सीताराम अधिकारी सम्मानित भएका छन् ।

Advertisement

पत्रकारिता मार्फत सामाजिक रुपान्तरणमा योगदान गरेको भन्दै गल्छी गाउँपलिका–६ मा रहेको सक्सेस एकेडेमीले आफ्नो १४औँ वार्षिकोत्सबको अवसरमा सम्मान गरेको हो ।

पत्रकारिताको क्षेत्रमा पुर्याएको योगदान उच्च आदर्श स्थापित गर्दै सत्य पारदर्शी र समाजमा सकारात्मक परिवर्तनका लागि अध्यक्ष अधिकारीलाई सम्मान गरिएको हो । सक्कसेस एकेडेमीका अध्यक्ष शिव अधिकारी, शिक्षा विकास तथा समन्वय इकाइका प्रमुख भुमिलाल शर्मा सुवेदीले दोसल्ला ओढाएर सम्मानपत्रसहित सम्मान गरिएको हो ।

पत्रकारिताको धर्म, यसको आचारसंहिता पालन गर्दै सामाजिक आर्थिक रुपान्तरणका लागि निरन्तर कलम चलाइरहन सम्मानले अझै हौसला थपेको सम्मानित भएका अधिकारीले बताए ।