ब्राउन सुगुरसहित दुई भारतिय पक्राउ

काठमाडौं- झापाको कनकाई नगरपालिका–४ स्थित प्रहरीले दुई भारतीय लागुऔषध कारोबारीलाई पक्राउ गरेको छ । भित्री सडकखण्डमा प्रहरीले गोली प्रहार गरी पक्राउ गरेको हो ।

Advertisement

गएराति भारतको बिहारका २८ वर्षीय अन्जार आलम र उनका भाई १९ वर्षीय यूसुब आलामलाई पक्राउ गरिएको जिल्ला प्रहरी कार्यालय झापाले जानकारी दिएको छ ।

प्रहरीका अनुसार वीआर ३७ एए ८४९८ नम्बरको मोटरसाइकलमा लागुऔषध ओसारपसार गरिरहेका थिए । रोकेर जाँच गर्ने क्रममा दुवै जना भाग्न खोज्दा उनीहरुमाथि गोली चलाउनु परेको हो । मोटरसाइकल चालक अन्जार आलमको घुडाँमुनी गोली लागेको छ । उनीहरुको साथमा प्रतिबन्धित लागुऔषध ब्राउन सुगुर ६३ मिलिग्राम फेला परेको हो ।