सुनको मूल्य प्रतितोला २ हजार ३ सयले बढ्यो

काठमाडौं– सुनको मूल्य एकैदिन तोलामा दुई हजार तीन सय रुपैयाँले बढेको छ । सुन आज तोलामा दुई हजार तीन सय रुपैयाँले बढेर तोलाको एक लाख ६९ हजार आठ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

Advertisement

बुधबार सुन तोलामा दुई हजार सात सय रुपैयाँले घटेर तोलाको एक लाख ६७ हजार पाँच सय रुपैयाँमा कारोबार भएको थियो ।

त्यस्तै आज चाँदीको मूल्य तोलामा ३५ रुपैयाँले बढेर एक हजार नौ सय ६५ रुपैयाँमा कारोबार भइ रहेको छ ।