सेयर बजारमा सामान्य वृद्धि, ३ अर्ब ४५ करोड रुपैयाँको कारोबार

काठमाडौं – हिजो ७० अङ्कभन्दा धेरैले घटेको सेयर बजार आज भने सामान्य बढेको छ । सेयर बजार परिसूचक नेप्से आज नौ दशमलव ३३ अङ्कले बढेर दुई हजार १७ दशमलव शून्य तीन विन्दुमा पुगेको छ ।

Advertisement

आज बैंक, जीवन बीमा र म्युचल फन्डबाहेक अरू सबै समूहको सेयर सामान्य बढेको छ । सबैभन्दा धेरै डोल्टी हाइड्रोपावरको सेयर १० प्रतिशतले बढेको छ । समग्रमा बजार बढेको दिन आज मोलुङ हाइड्रोपावर कम्पनीको सेयर झन्डै १० प्रतिशतले ओरालो लागेको छ ।

आज ९१ लाख ३८ हजार कित्ता सेयर तीन अर्ब ४५ करोड रुपैयाँमा कारोबार भएका छन् । सबैभन्दा धेरै सोनापुर मिनरल्स एन्ड आयल कम्पनीको ३३ करोड ३७ लाख रुपैयाँमा किनबेच भएका छन् ।