धादिङको अल्छिडाँडामा विजुली सर्ट भइ आगलागी हुँदा ७ लाख बराबरको क्षति

काठमाडौं– धादिङको नीलकण्ठ नगरपालिका–४ अल्छिडाँडामा विजुली सर्ट भइ रणबहादुर श्रेष्ठको घरमा आगलागी भएको छ ।

Advertisement

शनिवार राती भएको उक्त आगलागीमा ७ लाख बराबरको क्षति भएको जिल्ला प्रहरी कार्यालय धादिङका प्रहरी नायव उपरीक्षक सन्तुलाल प्रसाद जैसवारले बताए ।

आगलागीबाट घरमा भएका सामानहरु जलेर नष्ट भएका छन् । टिभि, लत्ताकपडा, सिरक डस्ना, झ्याल, ढोका, सुट्केश, टेवल, कागजपत्र लगायत सामानहरु जलेको उद्धारका लागि पुगेका दिपक अधिकारीले जानकारी दिए । घरमा भएका सामानहरु जलेका छन् । स्थानीय र धादिङ सोसियल भोलेन्टिएर टोलीले आगो निभाएको उनले जानकारी दिए ।

‘खाना खाएर भित्र छिर्दा आगो लागिरहेको रहेछ । बत्ती आउनेजाने भइ रहेको थियो । हाइभोल्टेजका कारण आगो लागेको हुनसक्छ । सबै सामान जलेर नष्ट भयो, धन्न मानविय क्षति हुन पाएन,’ रणबहादुरले भने ।