ललितपुरको हात्तीवनमा सोफा कारखानामा आगलागी, एकजनाको जलेको शव फेला

काठमाडौं – ललितपुरको हात्तीवनमा रहेको सोफा कारखाना (सिक्मा मेटल इन्टक्स) मा आगलागी हुँदा एकजनाको मृत्यु भएको छ । कारखानामा आज बिहान आगलागी भएको हो ।

Advertisement

आगलागीमा परेर एक पुरुषको ज्यान गएको र मृतकको पहिचान खुल्न नसकेको जिल्ला प्रहरी परिसर ललितपुरका एसपी नरेश सुवेदीले जानकारी दिए । शव जलेको अवस्थामा फेला परेको छ ।

ललितपुर महानगरपालिका–२३ हात्तीवनमा रहेको कारखानामा विद्युत् सर्ट भएर आगलागी भएको हुनसक्ने प्रहरीको प्रारम्भिक अनुमान छ ।
थप विवरण आउन बाँकी छ ।