जनकपुरमा जल्दै गरेको अवस्थामा शिशुसहित युवतीको शव फेला

काठमाडौं– जनकपुरमा जल्दै गरेको अवस्थामा एक युवतीको शव फेला परेको छ ।

Advertisement

बुधबार राति करिब ९ बजे जनकपुरधाम उपमहानगरपालिका–१६ कपिलेश्वर महादेव मन्दिरबाट नजिकै रहेको एक खेतमा महिला जलिरहेको अवस्थामा फेला परेको जिल्ला प्रहरी कार्यालय धनुषाले जनाएको छ ।

युवतीको शव नजिकै करिब ६ महिनाकी बालिका पनि जलेर घाइते अवस्थामा फेला परेकी थिइन् । उनको पनि उपचारको क्रममा मृत्यु भएको प्रहरीले जनाएको छ ।

मृत भेटिएकी युवती महोत्तरीको मनरासिसा नगरपालिका–२ कि २३ वर्षीया प्रियंका महतो रहेको प्रहरीले जनाएको छ । नाबालिका उनैका बच्चा हो वा होइन भन्नेबारे प्रहरीले अनुसन्धान गरिरहेको बताएको छ ।

युवती र बालिकाको दुबै शव पोस्टमार्टमका लागि प्रादेशिक अस्पताल जनकपुरमा राखिएको छ ।