न्युरोडबाट १ किलो सुन र डेढ करोड रकमसहित ५ जना पक्राउ

काठमाडौं– प्रहरीले काठमाडौंको न्युरोडबाट बरामद एक किलो ८ सय ग्राम सुन र डेढ करोड रकमसहित ५ जनालाई पक्राउ गरेका छन् । पक्राउ परेकाहरूलाई सार्वजनिक गरेको छ ।

Advertisement

उपत्यका अपराध अनुसन्धान कार्यालयको टोलीले बरामद सुन र रकमसहित पक्राउ परेकाहरूलाई शुक्रबार पत्रकार सम्मेलनमार्फत सार्वजनिक गरेको हो ।

न्युरोडको एक हुण्डी गोदाममा छापा मार्दा उक्त सुन, रकम र संलग्नहरूलाई पक्राउ गरेको अपराध अनुसन्धान कार्यालयका एसपी रवीन्द्र रेग्मीले जानकारी दिए ।

पक्राउ पर्नेहरूमा तीन भारतीय नागरिक रहेका छन् भने दुई जना नेपाली छन् । भारतीय नागरिकहरू अमुल विभूति, ऋषिकेश विभूति, गणेश बाल्टे रहेको प्रहरीले जनाएको छ । त्यसैगरी दिनेश खरेल र भरत बासुपनि उनीहरूसँगै पक्राउ परेका छन् ।