भंगहाबाट जयनगर तर्फ जान लागेको रेलभित्र लडेर एक यात्रुको मृत्यु

काठमाडौं– भंगहा–जयनगर रेलभित्रै अचानक लडेर एक यात्रुको मृत्यु भएको छ ।

Advertisement

मृत्यु हुनेमा महोत्तरीको लोहरपट्टी नगरपालिका–४ खुट्टापिपराढीका अन्दाजी ५० वर्षीय रामएकवाल पण्डित रहेको धनुषाका प्रहरी प्रवक्ता डिएसपी रञ्जन अवाले जानकारी दिए ।

उनका अनुसार आज बिहान ८ बजे महोत्तरीको भंगहाबाट जयनगर तर्फ जान लागेको रेलमा पण्डित लोहारपट्टीमा चढेका थिए ।

टिटी (रेलको कन्डक्टर)ले टिकट चेक गर्न जाँदा अचानक रेलको डिब्बाभित्रै लडेर उनको मृत्यु भएको डिएसपी अवाले बताए ।

घटनाको विषयमा थप अनुसन्धान गरिरहेको डिएसपी अवाले बताए ।