६ महिनामा नेपालबाट ५ करोड २३ लाखको गुट्खा र खैनी निर्यात

काठमाडौं– चालू आर्थिक वर्ष २०८०÷८१ को ६ महिनाको अवधिमा नेपालबाट ५ करोड २३ लाख ४७ हजार रुपैयाँको गुट्खा र खैनी निर्यात भएको छ ।

Advertisement

भन्सार विभागको तथ्यांकअनुसार चालू वर्षको साउनदेखि पुससम्मको अवधिमा उक्त मूल्य बराबरको जर्दा, गुट्खा र खैनी निर्यात भएको हो ।

यस अवधिमा ८५ हजार ८९६ किलोग्राम खैनी, गुट्खा र जर्दा निर्यात भएको छ । नेपालबाट विश्वका ५ वटा देशमा यी वस्तुको निर्यात हुँदै आइरहेको छ । जसमध्ये मलेसियामा ३ करोड ८ लाख ७० हजार रुपैयाँको निर्यात भएको छ ।

यस्तै, इण्डोनेसियामा १ करोड ६५ लाख रुपैयाँको र जापानमा ३५ लाख तथा इजरायलमा १० लाख रुपैयाँको निर्यात भएको तथ्यांक छ । यसबाहेक, रोमानियामा ३ लाख १४ हजार रुपैयाँको यी वस्तु निर्यात भएको छ ।