वडा स्तरीय भलिबल प्रतियोगितामा पशुपति मावि प्रथम

धादिङ- वडा स्तरीय भलिबल प्रतियोगितामा पशुपति माध्यामिक विद्यालय प्रथम भएको छ । निलकण्ठ नगरपालिका वडा नम्बर १२ को आयोजनामा वडा नम्बर १२ भित्र रहेका अन्तर विद्यालय छात्राविच भलिबल प्रतियोगिता आयोजना गरिएको हो ।

Advertisement

प्रतियाेगितामा वडा भरिका ५ वटा माध्यामिक विद्यालयहरुकाे सहभागीता रहेकाे थियो । प्रतियाेगितामा सांकाेस माध्यामिक विद्यालय द्वितीय र पञ्चकन्या माध्यामिक विद्यालय तृतीय भएका छन् । प्रथम,द्वितीय र तृतीय हुनेलाई प्रमाण पत्र, ट्रफी, मेडल प्रदान गरिएको निलकण्ठ नगरपालिका वडा नम्बर १२ का वडा अध्यक्ष राजकुमार भण्डारी(धर्मराज) ले बताए ।

विद्यार्थीहरुलाई अतिरिक्त क्रियाकलाप गर्ने बानीको विकास गर्न र खेलकुद क्षेत्रमा विद्यार्थीलाई अभिप्रेरित गर्न खेलको आयोजना गरिएको उनले बताए । वडाले विगतका वर्षहरुदेखि यस्ता कार्यक्रमहरू सञ्चालन गर्दै आएको छ । आगामी दिनमा पनि निरन्तरता दिने अध्यक्ष भण्डारीले बताए ।