युवतीलाई बलात्कार गरेको आरोपमा सिरहामा एक जना पक्राउ

काठमाडौं– सिरहामा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । धनगढीमाई नगरपालिका–१० बस्ने ३७ वर्षीय अशाराम दास पक्राउ परेका हुन् ।

Advertisement

उनलाई इलाका प्रहरी कार्यालय धनगढीबाट खटिएको टोलीले सोमबार दिउँसो पक्राउ गरेको हो ।

दासले ती युवतीलाई ललाई फकाई आइतबार बेलुकी सोही नगरपालिका–१० धनगढीस्थित आँपको बगैचामा लगेर बलात्कार गरेको उजुरी छ । सोही उजुरीको आधारमा उनलाई पक्राउ गरिएको प्रहरीले जनाएको छ ।

यस घटनामा प्रहरीले थप अनुसन्धान गरिरहेको छ ।