काठमाडौं महानगरले आफ्नै कार्यालय परिसरको क्यान्टिनलाई तिरायो ५० हजार जरिवाना

काठमाडौं– काठमाडौं महानगरपालिकाले आफ्नै कार्यालय परिसरमा सञ्चालनमा रहेको नारायणी चमेना गृहलाई कारबाही गरेको छ ।

Advertisement

गुणस्तरहीन र बासी खानेकुरा बिक्री वितरण गरेको पाइएपछि महानगर नारायणी चमेना गृहलाई ५० हजार रुपैयाँ जरिवाना तिराइएको हो ।

महानगरका अनुसार क्यान्टिनको खानाका विषयमा यसअघि पनि विभिन्न गुनासा आएका थिए । पटकपटक सचेत गराउँदा पनि गुणस्तरहीन खानेकुरा बेचिरहेको अनुगमनबाट खुलेपछि कारबाही गरिएको महानगरको कृषि तथा पशुपन्छी विभागले जनाएको छ ।