स्वतन्त्रबाट १० पटकसम्म वडाध्यक्षमा निर्वाचित व्यञ्जनकारको निधन

काठमाडौं– ललितपुर महानगरपालिका–१० का पूर्व–वडाध्यक्ष नरसिंह व्यञ्जनकारको निधन भएको छ । हिजो नर्भिक अस्पतालमा व्यञ्जनकारको निधन भएको हो ।

Advertisement

व्यञ्जनकार लगातार दश पटक स्वतन्त्र उम्मेदवारी दिएर ललितपुर महानगर वडा नम्बर १० का अध्यक्षमा निर्वाचित भएका थिए । गएको स्थानीय चुनावमा भने उनी नेपाली कांग्रेसबाट उम्मेदवार उठेका भतिज रविनमान व्यञ्जनकारसँग पराजित भएका थिए । व्यञ्जनकारको वडाध्यक्ष यात्रा २०२९ सालदेखि शुरू भएको थियो ।

त्यतिबेला उनले कांग्रेसबाट उठेका आफ्नै भाइ कर्मलाललाई हराएका थिए ।