उदयपुरमा बोलेरो जिप भिरबाट खस्दा ६ जनाको मृत्यु

काठमाडौं- उदयपुरमा बोलेरो जिप दुर्घटना हुँदा ६ जनाको ज्यान गएको छ ।

Advertisement

भोजपुरको घोडेटारबाट धरान आउँदै गरेको उदयपुरको वेलका नगरपालिका– ७ स्थित एउटा भीरबाट को १ ज ३२९३ नम्बरको बोलेरो जिप खस्दा ६ जनाको घटनास्थलमै मृत्यु भएको हो ।

जिपमा केही मानिसहरू च्यापिएको दुर्घटनास्थलमा उद्धार कार्यमा खटिएका स्थानीयहरुले जानकारी दिए । सडकबाट चार वटा मोडहरू समेत कटेर जिप खोँचमा खसेका कारण उद्धार गर्न कठिनाइ भएको प्रहरीले जनाएको छ ।

जिप दुर्घटनामा परी घाइते बनेका पाँच जनालाई कोशी नदीमा चल्ने जेट बोटबाट उपचारका लागि लगिएको छ । जिपमा १४ जना यात्रु रहेको जनाएको छ ।