प्रयास नेपालको २३ औं वार्षिकोत्सवको अवसरमा शैक्षिक सामाग्री वितरण

काठमाडौं– प्रयत्नशील सामुदायिक विकास समाज (प्रयास नेपाल) धादिङको २३ औं वार्षिकोत्सवको अवसरमा बालबालिकाहरुलाई स्टेशनरी तथा खेलकुदका सामाग्री वितरण गरिएको छ ।

Advertisement

मंगलबार नीलकण्ठ नगरपालिका–२ को अन्नपूर्ण आधारभुत विद्यालयका ७५ जना बालबालिकाहरुलाई स्टेशनरी सामाग्री वितरण गरिएको हो । बालबालिकाहरुलाई कापी, कलम, पेन्सिल इरेजर लगायतका सामग्री वितरण गरिएको छ । यसका साथै विद्यालयलाई भलिबल, फुटबल, ब्याडमिन्टन ¥याकेट, सटक कर्क लगायतको खेलकुद सामाग्री सहयोग गरिएको थियो ।

प्रयास नेपालका अध्यक्ष बिर बहादुर श्रेष्ठको अध्यक्षतामा भएको कार्यक्रममा वडासदस्यहरु, प्रयास नेपालकी उपाध्यक्ष उषा वि.क, कार्यकारी निर्देशक दामोदर अर्याल, परियोजनाका व्यवस्थापक केशव सिग्देल, संस्थाका कर्मचारीहरु, शिक्षक शिक्षिका र अभिभावकहरुको उपस्थिती रहेको थियो । सामाजिक, आर्थिक रुपमा कमजोर रहेका समुदायका बालबालिकाहरुको सिकाई वातावरण सिर्जनामा सहजताको लागि सामाग्री सहयोग गरिएको संस्थाका अध्यक्ष श्रेष्ठले बताए ।

यस्तै संस्थाका कार्यकारी निर्देशक दामोदर अर्यालले बिद्यार्थीको शिक्षासँगै खेलकुद क्षेत्रमा पनि सहयोग पुगोस् भन्ने उद्देश्यले स्टेशनरी तथा खेलकुद सामाग्री सहयोग गरिएको बताए । शैक्षिक तथा खेलकुद सामाग्रीले बालबालिकामा सिकाई वातावरण सिर्जना गर्न तथा सहजिकरणमा सहयोग पुग्ने विद्यालयकी प्रधानाध्यापक उर्मिला तिमिल्सिना अधिकारीले बताइन् ।

वि.स. २०५८ सालमा स्थापना भएको प्रयास नेपाल २३ आंै वर्षमा प्रवेश गरेको छ । प्रयास नेपालले महिला, बालबालिका, पछाडिपारिएका वर्गका हितमा काम गर्दै आएको यस संस्थाले धादिङ जिल्लासँगै छिमेकी जिल्लाहरुमा समेत कार्यक्षेत्र बनाएको छ ।