धादिङको सांकोषमा श्रीकृष्ण मन्दिरको शिलन्यास

काठमाडौं– धादिङको नीलकण्ठ नगरपालिका–१२ सांकोषमा श्रीकृष्ण मन्दिरको शिलन्यास गरिएको छ । नीलकण्ठ नगरपालिका वडा नम्बर १२ का वडा अध्यक्ष धर्मराज भण्डारी (राजकुमार) ले एक कार्यक्रमका विच आइतबार मन्दिरको शिलन्यास गरेका हुन् ।

Advertisement

मन्दिरको शिलन्यास गर्दै वडा अध्यक्ष भण्डारीले विकास निर्माणका कामसँगै हरेक धर्म, सस्कृति संरक्षणलाई पनि मध्यनजर गर्दै वडाले काम गरिरहेको बताए । नागरिकको आवश्यकता र चाहना अनुरुप नै वडाले काम गर्दै आएको छ । विकास निर्माणका योजना, शिक्षा, स्वास्थ्य, कृषि लगायत कला संस्कृति संरक्षणमा पनि वडाले योजनावद्ध रुपमा काम गर्ने उनले बताए ।

पुजा आजा गर्ने मन्दिर नजिक नभएका कारण श्रीकृष्ण मन्दिर बनाउन लागिएको मन्दिर निर्माण समितिका अध्यक्ष रत्नबहादुर भट्टले बताए । नीलकण्ठ नगरपालकाको १० लाख सहयोगमा मन्दिर बनाउन आइतबार शिलन्यास गरिएको उनले बताए ।

संस्कृति, पर्यटन तथा सहकारी मन्त्रालय बागमती प्रदेशको १० लाख, १ लाख ११ हजार श्रमदान गरी ११ लाख ११ हजारमा मन्दिर निर्माण गरिने रमेश अधिकारीले जानकारी दिए ।