यी ५ प्रदेशमा आज पनि पानी पर्ने सम्भावना

काठमाडौं– आज बागमती, कोशी, मधेश, गण्डकी र लुम्बिनी प्रदेशको पहाडी भू–भागमा मौसम आंशिकदेखि सामान्य बदली हुनेछ । केही ठाउँमा मेघगर्जनसहित हल्का वर्षाको सम्भावना रहेको जल तथा मौसम पूर्वानुमान महाशाखाले जनाएको छ ।

Advertisement

बागमती, कोशी, मधेश प्रदेशका केही ठाउँमा अहिले पनि हल्का पानी परिरहेको छ । बागमती, कोशी र मधेश प्रदेशका धेरै ठाउँमा गएराति पनि पानी परेको थियो । मधेशको सिरहा र सुनसरी जिल्लामा ५० मिलिमिटरभन्दा धेरै वर्षा मापन भएको महाशाखाका मौसमविद् सञ्जिव अधिकारीले जानकारी दिए ।

हिजोको भन्दा आज मौसम सुधार हुने अनुमान रहेको मौसमविद् अधिकारीले बताए ।