सेफ हाउस सञ्चालक र व्यवस्थापकलाई अभिमूखीकरण कार्यक्रम

काठमाडौं– सेफ हाउस सञ्चालक र व्यवस्थापकहरूलाई हिंसाबाट प्रभावित अपाङ्गता भएका व्यक्तिहरूको सहयोग, उद्धार तथा पुर्नस्थापना सम्बन्धी २ दिने अभिमुखीकरण कार्यक्रम गरिएको छ । बागमती प्रदेश सरकार, सामाजिक विकास मन्त्रालयको सहयोग र राष्ट्रिय अपाङ्ग महासंघ नेपाल बागमती प्रदेश सरकारले चैत्र १३ र १४ गते सौराहामा अभिमूखीकरण कार्यक्रम गरेको हो ।

Advertisement

अपांगता भएका ब्यक्तिहरुका लागि भौतिक पुर्वाधार, वातावरण, निति कानुन, संस्थागत संरचना र सूचना संचारको क्षेत्रमा पहुँचयुक्तता पुर्याउने विषयमा समाजिक विकास मन्त्रालयका उपसचिव गोपाल प्रसाद कँडेलले सहजीकरण गरेका थिए ।

अपांगता भएका महिलाहरुको संघका केन्द्रीय अध्यक्ष निर्मला धितालले सेफ हाउस र बाल गृहहरुलाई अपांगता, बालमैत्री बनाउनु पर्ने, बोली, व्यबहार र स्याहारमा विशेष ख्याल गर्नुपर्ने, सेफ हाउस र बाल गृहमा देखिएका समस्या,चुनौती र समाधानका विषयमा सहजीकरण गरेकी थिइन् ।

मकवानपुर, चितवन, धादिङ्ग, नुवाकोट र रसुवा जिल्लाका सुरक्षीत आवास गृह, अल्पकालीन पुर्नस्थापना गृह र बाल गृह संचालकहरु ३५ जनाको सहभागिता रहेकोे थियो । अभिमूखीकरण कार्यक्रमले हिंसाबाट प्रभावित अपाङ्गता भएका व्यक्ति र महिला दिदिबहिनीहरुको क्षेत्रमा काम गर्न थप सहयोग पुग्ने गायत्री खतिवडाले बताइन् ।