कर्णाली नदीमा हाम फालेका लोकेन्द्र शाही मृत भेटिए

काठमाडौं– कर्णाली नदीमा हामपछि बेपत्ता भएका पुरूष मृत फेला परेका छन् । कञ्चनपुर स्थायी घर भई कैलालीको लम्किचुहा नगरपालिका–३ चिसापानी बस्ने करिव ३० वर्षीय लोकेन्द्र शाही मृत भेटिएका हुन् ।

Advertisement

होली पर्वको अवसरमा सोमबार दिउँसो चिसापानीस्थित कर्णाली नदीको पुलमाथि रमाइलो गर्दै पौडी खेल्न १७ जनाले हाम फालेका थिए । ति मध्ये शाही पुलमाथिबाट हाम फाल्ने बित्तिकै बेपत्ता भएका थिए ।

उनको तीन दिनपछि बिहीबार शव फेला परेको जिल्ला प्रहरी कार्यालय कैलालीले जानकारी दिएको छ । शाहीको शव टीकापुरको सन्कट्टी घाटमा भेटिएको हो । अन्य १६ जनासँगै उनले पुलबाट रमाइलो मान्दै फोटो सुट गर्दै पौडी खेल्न नदीमा हाम फालेका थिए ।