मोटरसाइकलको ठक्करबाट पैदलयात्रीको मृत्यु

काठमाडौं– भक्तपुरमा मोटरसाइकलको ठक्करबाट पैदलयात्रीको मृत्यु भएको छ । मृत्यु हुनेमा मध्यपुरथिमी नगरपालिका–२ सानोठिमीका ६२ वर्षीय राम थापा छन् ।

Advertisement

बिहीबार बेलुका ७ बजे मध्यपुरथिमी नगरपालिका–२ आर्मी ब्यारेक नजिकैको सडकमा एउटा मोटरसाइकलले ठक्कर दिएको थियो ।

भक्तपुरका डिएसपी बसन्त पाठकका अनुसार मोटरसाइकलको ठक्करबाट गम्भीर घाइते भएका उनको उपचारका क्रममा मृत्यु भएको हो ।
ठक्कर दिने मोटरसाइकलको नम्बर नखुलेको र चालकको खोजतलास भइरहेको उनले बताए ।