त्रिवि पुस्तकालय २४सै घण्टा खुल्ला

काठमाडौं– काठमाडौंको कीर्तिपुरस्थित त्रिभुवन विश्वविद्यालयले २४ सै घण्टा पुस्तकालय खुल्ला गरेको छ । विद्यार्थीहरूलाई अध्ययन गर्न सहज बनाउन २४ सै घण्टा पुस्तकालय खुल्ला गरिएको हो ।

Advertisement

त्रिविका विद्यार्थी र लोक सेवा आयोग तयारी गरिरहेकाहरूविद्यार्थीहरु पुस्तकालय आएर अध्ययन गर्दै आएका छन् । पुस्तकालयका तीन वटा अध्ययन कक्षमा नियमित रूपमा २० देखि २५ जना विद्यार्थीहरू पढ्न आउने गरेको त्रिवि पुस्तकालयले जनाएको छ ।

राति करिब एक सयदेखि एक सय ५० जनासम्म अध्ययनका लागि आउने गरेको त्रिवि पुस्तकालयले जनाएको छ । पुस्तकालयका अध्ययन कक्षमा भने ९० वटा मात्रै सिट छ । पुस्तकालयमा अध्ययन सामग्रीहरू, ग्रन्थ र संकाय अनुसारका पुस्तक करिब चार लाख ३० हजार वटा रहेका छन् ।