बागमती प्रदेशका मुख्यमन्त्री जम्कट्टेललाई तेस्रो पटक विश्वासको मत प्राप्त

काठमाडौं– बागमती प्रदेशका मुख्यमन्त्री शालिकराम जम्कट्टेलले प्रदेशसभाबाट विश्वासको मत प्राप्त गरेका छन् । प्रदेशसभाको सोमबारको बैठकमा उनको पक्षमा ५६ मत र विपक्षमा ३७ मत तथा मत दिन्न भन्नेमा १५ मत परेको छ ।

Advertisement

सोमबार बागमती प्रदेश सभा बैठकमा नेकपा माओवादी केन्द्रका २१, नेकपा एमालेका २७, नेकपा एकीकृत समाजवादीका ७ र हाम्रो नेपाली पार्टीका १ जना गरि ५६ जना सांसदले विश्वासको मत दिएका हुन् ।

२०७९ पुस २५ गते मुख्यमन्त्री नियुक्त हुनु भएका जम्कट्टेलले सोमबार तेस्रो पटक विश्वासको मत लिएका हुन् । पहिलो पटक २०७९ माघ ३ गते र दोस्रो पटक चैत्र १० गते विश्वासको मत लिएका थिए ।