त्रिशूली नदीको पक्की पुलको लठ्ठा चुँडिएपछि आवतजावत बन्द

काठमाडौं– नुवाकोटको विदुर नगरपालिका–६ त्रिशूली नदीको पक्की पुलको लठ्ठा चुँडिएपछि आवतजावत पूर्णरुपमा बन्द गरिएको छ ।

Advertisement

झण्डै ४० वर्षअघि निर्माण भएको पुलका मुख्य चारमध्ये एउटा लठ्ठा चुँडिएकाले पुलबाट आवतजावत बन्द गरेको विदुर नगरपालिकाका मेयर राजन श्रेष्ठले जानकारी दिए ।

उनका अनुसार गएको पुस महिनाको पहिलो साता पुलको लठ्ठामा समस्या देखिएपछि दुईपाङ्ग्रे गाडीलाई मात्र पुलबाट आउजाउको अनुमति दिइएको थियो ।

विदुर नगरपालिका–४ बजारबाट सिधै विदुर–६ मान्द्रेढुङ्गा हुँदै तारकेश्वर गाउँपालिका र धादिङबेँसी पुग्ने छोटो बाटोको यो पुल बन्द भएपछि सिमचउर र देवीघाटस्थित धुनिबेँसीको पुल प्रयोग गर्न नगरपालिकाले अनुरोध गरेको छ ।