काठमाडौं महानगरमा गरिब घरपरिवार गणना सुरु

काठमाडौं– गरिब घरपरिवार गणना अन्तर्गत अन्तिम पालिकाको रुपमा काठमाडौं महानगरपालिकामा गणना सुरु भएको छ । काठमाडौं महानगरमा आजदेखि गरिब घरपरिवार गणना सुरु भएको हो ।

Advertisement

यसअघि सात सय ५२ वटा पालिकामा गणना भइसकेको छ । गरिब परिवारलाई सरकारी सेवा सुविधा उपलब्ध गराउने सरकारको नीतिअनुसार २०७० सालदेखि गणना सुरु भएको हो ।

सरकारले ४९ जिल्लामा गरिब घरपरिवारको परिचयपत्र बाँडिसकेको र १५ जिल्लामा परिचय पत्र बाँड्ने तयारी भइरहेको भूमि व्यवस्था, सहकारी तथा गरिबी निवारण मन्त्रालयका प्रवक्ता एवम् सहसचिव गणेशप्रसाद भट्टले जानकारी दिए ।

महानगरले गणना सकेपछि बाँकी १३ जिल्लामा पनि परिचयपत्र बाँड्ने कार्यक्रम सुरु गर्ने उनले बताए ।