काठमाडौं महानगरले राप्रपालाई पठायो जरिवाना तिर्न पत्र

काठमाडौं– राष्ट्रिय प्रजातन्त्र पार्टी, राप्रपाले गरेको आन्दोलनको क्रममा सार्वजनिक सम्पत्तिमा क्षति भएको भन्दै काठमाडौं महानगरपालिकाले जरिवाना तिर्न पत्र पठाएको छ । महानगरले हिजो राप्रपाको कार्यालय धुम्बाराहीमा पत्र पठाएको हो ।

Advertisement

पत्रमा ट्राफिक आइल्याण्डमा क्षति पुगेकाले मर्मत गर्न लाग्ने शुल्क २ सय २२ रुपैयाँ र फोहोरमैला व्यवस्थापन ऐन, २०६८ को दफा ३९ बमोजिम ५ हजार जरिवाना तिराउने निर्णय भएको उल्लेख छ ।

राप्रपाले गएको २७ गते भद्रकालीमा गरेको प्रदर्शनबाट ट्राफिक आइल्याण्डमा क्षति पुगेकाले स्थानीय सरकार सञ्चालन ऐन, २०७४ को दफा ९७ बमोजिम २२२ रुपैयाँ मर्मत सम्भारका लागि तिराउने निर्णय भएको महानगरपालिकाले जनाएको छ ।