घरको भित्तामा मोटरसाइकल ठोक्किंदा दुई जनाको मृत्यु

काठमाडौं– चितवनमा मोटरसाइकल दुर्घटना हुँदा दुई जनाको मृत्यु भएको छ ।

Advertisement

गएराति १२ बजे चितवनको रत्ननगर नगरपालिका–४ वडा कार्यालय नजिकै भित्री सडकमा ना २२ प ३४४४ नम्बरको मोटरसाइकल अनियन्त्रित भई घरको भित्ता ठोक्किंदा मोटरसाइकलमा सवार दुई जनाको मृत्यु भएको हो ।

जिल्ला प्रहरी कार्यालय चितवनका डिएसपी भेषराज रिजालका अनुसार उक्त मोटरसाइकल स्थानीय सुमन गदालको घरको भित्तामा ठोक्किएर दुर्घटना भएको थियो ।

मोटरसाइकल ठोक्किंदा घरको भित्तामा समेत क्षति पुगेको छ । दुर्घटनामा रत्ननगर नगरपालिका–३ बन्सीका १८ वर्षीय सुमित महतो र २२ वर्षीय जीवन चौधरीको मृत्यु भएको हो ।