सेयर बजारमा उच्च अंकको गिरावट

काठमाडौं– लगातार दोस्रो दिन आज पनि सेयर बजार उच्च अङ्कले घटेर राताम्मे भएको छ । सेयर बजार परिसूचक नेप्से आज १५ दशमलव ६२ अङ्कले घटेर एक हजार नौ सय ५८ दशमलव ७५ विन्दुमा झरेको छ ।

Advertisement

आज विकास बैंक बाहेक अरू सबै समूहको सेयर ओरालो लागेको छ । सबैभन्दा धेरै पोखरा फाइनान्स र दोल्ती पावर कम्पनीको सेयर १० प्रतिशतले ओरालो लागेको छ । समग्रमा बजार राताम्मे भएको दिन आज बोटलर्स नेपाल तराईको सेयर नौ प्रतिशतले बढेको छ ।

आज ६९ लाख ७८ हजार कित्ता सेयर दुई अर्ब ८९ करोड १३ लाख रुपैयाँको सेयर कारोबार भएको छ । सबैभन्दा धेरै सिटिजन लाइफ इन्सुरेन्सको ३१ करोड ९८ लाख रुपैयाँको सेयर खरिद÷बिक्री भएको छ ।