श्रीमतीको हत्या आरोपमा नेपाली सेनाका अमलदार पक्राउ

काठमाडौं– श्रीमतीको हत्या आरोपमा दाङको तुलसीपुरमा नेपाली सेनाका अमलदार पक्राउ परेका छन् ।

Advertisement

तुलसीपुर उपहानगरपालिका–६ राप्ती टोलस्थित गोकर्ण चन्दको घरमा डेरा गरी बस्ने ३६ वर्षीय शालिकराम बुढाथोकीले श्रीमती २७ वर्षीया टीकाको धारिलो हतियार प्रहार गरी हत्या गरेको इलाका प्रहरी कार्यालय तुलसीपुरका डिएसपी ठाकुर प्रसाद पोखरेलले जानकारी दिए ।

शालिकरामलाई नियन्त्रणमा लिएर अनुसन्धान गरिरहेको प्रहरीले जनाएको छ । सल्यानको कपुरकोट घर भएका शालिकराम ज्वालादल गण बारामा कार्यरत थिए ।

इलाका प्रहरी कार्यालय तुलसीपुरका प्रवक्ता प्रहरी निरीक्षक प्रकाश थापाले आज बिहान सवा ८ः५० बजेतिर शालिकरामले श्रीमतीको हत्या गरेका हुन् ।