पहिरोले पुरेर अरुण–३ आयोजनाका एक मजदुरको मृत्यु, २ जना घाइते

काठमाडौं– सङ्खुवासभाको चिचिला गाउँपालिका–३ सोलाखानीमा पहिरोले पुरिएर एक मजदुरको ज्यान गएको छ । अन्य दुईजना घाइते भएका छन् ।

Advertisement

मङ्गलबार रातिको अविरल वर्षापछि खसेको पहिरोमा परी अरुण तेस्रो जलविद्युत् आयोजनाका मजदुर बर्दियाका घोराभिट्टाका गङ्गाराम थारुको मृत्यु भएको छ । मकवानपुरका उमेश कार्की र गोविन्द थारू भने घाइते भएको प्रहरीले जनाएको छ ।

उनीहरू निदाएका बेला पहिरो खसेको हो । जलविद्युत् आयोजनाले कामदारका निम्ति निर्माण गरेका १४ वटा कोठामध्ये ३ वटा पुरिएका छन् ।