त्रिशुली किनारमा बस खस्दा १२ जना घाइते

काठमाडौं– चितवनको इच्छाकामना गाउँपालिका–३ फिस्लिङ नजिकै यात्रुबाहक बस त्रिशुली नदी किनारमा खसेको छ । त्रिशुलीमा बस खस्दा १२ जना घाइते भएका छन् ।

Advertisement

बाँकेको नेपालगञ्जबाट काठमाडौं तर्फ आउँदै गरेको भे १ ख ४०६२ नम्बर बस र विपरीत दिशामा रहेको बागमती प्रदेश ०१–०२९ च ३७२० नम्बरको कार एक आपसमा ठोक्किदा बस त्रिशुली नदी किनारमा खसेको इलाका प्रहरी कार्यालय मुग्लिनकी इन्सपेक्टर निरला भण्डारीले जानकारी दिइन् ।

बस त्रिशुली नदी किनारमा खसे पनि कार भने सडक किनारमै रोकिएको थियो । कारमा सवार २ जना र बस चालकको अवस्था गम्भीर रहेको प्रहरीले जनाएको छ ।