सेयर बजारमा १७ अङ्कको गिरावट

काठमाडौं– आज सेयर बजार दोहोरो अङ्कले घटेको छ । सेयर बजार परिसूचक नेप्से आज १७ दशमलव ०४ अङ्कले घटेर २ हजार ९५ दशमलव २५ विन्दुमा झरेको छ ।

Advertisement

आज होटल बाहेक सबै समूहको सेयर घटेकोमा माइक्रोफाइनान्स, बीमा, उत्पादन, विकास बैंक समूहको सेयर उच्च अङ्कले ओरालो लागेको छ ।

बजार ओरालो लागेको दिन भगवती हाइड्रोपावर डेभलपमेन्ट कम्पनीको सेयर १० प्रतिशतले घटेको छ । समग्रमा बजार घटेको दिन नेपाल फाइनान्स कम्पनीको सेयर भने १० प्रतिशतले बढेको छ ।

आज ३ सय १७ वटा कम्पनीको १ करोड ३२ लाख कित्ता सेयर ५ अर्ब ४७ करोड रुपैयाँमा कारोबार भएको छ । सबैभन्दा धेरै नेपाल फाइनान्स कम्पनीको ३० करोड ४० लाख रुपैयाँ बराबरको सेयर किनबेच भएको छ ।