धुनिवेशी नगरपालिकाको बजेट ८८ करोड १६ लाख

Advertisement

काठमाडौं- धुनिवेशी नगरपालिकाले आगामी आर्थिक बर्ष २०८१/०८२को लागि ८८ करोड १६ लाख ८९ हजार ६ सय ६६ रुपैयाँको बजेट ल्याएको छ ।

नगरपालिकाकाका उपप्रमुख सुरज उप्रेतीले पेश गरेको बजेटमा कुल विनियोजित रकम मध्ये चालुतर्फ ४७ करोड ९ लाख ८५ हजार ६ सय ६६ रुपैयाँ रहेको छ । पुजीगत तर्फ ४१ करोड ७ लाख ४ हजार विनियोजन गरेको छ ।

नगरपालिकाले आगामी आर्थिक बर्षको लागि आर्थिक विकासतर्फ ४ करोड ७३ लाख २८ हजार, सामाजिक विकास क्षेत्रतर्फ ३४ करोड ४३ लाख ३० हजार, पुर्वाधार विकासतर्फ ३१ करोड २३ लाख ९४ हजार, सुशासन तथा अन्तरसम्बन्ध क्षेत्रतर्फ ५२ लाख ४५ हजार र कार्यालय सन्चालन तथा प्रशासनिक खर्चतर्फ १७ करोड २३ लाख ९२ हजार ६ सय ६६ रुपैयाँ विनियोजन गरिएको छ ।

नगरप्रमुख बालकृष्ण आचार्यले नीति तथा कार्यक्रम सभामा पेश गर्दै विगतका ७ बर्षको अवधिमा प्राप्त भएको उपलब्धिहरुको जगमा टेकेर क्रमागत योजना तथा कार्यक्रमलाई निरन्तरता दिने बताए । अपुर्ण कार्यलाई पुर्णता दिइ समग्र धुनिवेशी नगरपालिकालाई सकारात्मक रुपमा समृद्ध धुनिवेशी, सुखी नगरवासी बनाउने उनको भनाई छ ।