जोगीको भेषमा सुनको गहना चोरी गर्ने २ जना पक्राउ

काठमाडौं– प्रहरीले जोगीको भेषको आवरणमा चोरी गर्ने दुईजनालाई पक्राउ गरेको छ ।

Advertisement

पक्राउ पर्नेमा भारतको हरियाणा घर भई बौद्ध नयाँबस्ती बस्ने २६ वर्षीय देवु दया र ४० वर्षीया जेलिना छन् । उनीहरूलाई प्रहरीले नयाँबस्तीबाटै पक्राउ गरेको हो ।

गत बिहीबार काठमाडौं–३० स्थित सेतोपुल नजिक डेरा गरी बस्ने सिन्धुलीकी उर्मिला श्रेष्ठको कोठामा भिख माग्न आएका अपरिचित दुई जना जोगीहरूले उनले कानका दुवै पट्टीको सुनको रिङ्ग खोली चोरी गरी फरार भएका थिए । प्रहरीमा खबर आएपछि प्रहरी वृत्त मालिगाउँबाट खटिएको प्रहरी टोलीले उनीहरूलाई सुनसहित पक्राउ गरेको हो ।

चोरी भएको सुनको तौल १० आना रहेको मुल्य अन्दाजी ९५ हजार रुपैयाँ पर्ने प्रहरीले जनाएको छ। उनीहरूमाथि प्रहरी वृत्त मालिगाउँले थप अनुसन्धान गरिरहेको छ ।