जन्ती सवार बस दुर्घटना हुँदा १५ जना घाइते

काठमाडौं– धनुषामा जन्ती सवार बस दुर्घटना हुँदा १५ जना घाइते भएका छन् ।

Advertisement

सर्लाहीबाट जन्ती लिएर लहान जाँदै गरेको बस सडक छेउमा पल्टिँदा १५ जना घाइते भएको इलाका प्रहरी कार्यालय ढल्केबरले जनाएको छ । धनुषाको गणेशमान चारनाथ नगरपालिका– ८ पोर्ताहामा राति ९ बजे जन्ती सबार ना ४ ख ४४९२ नम्बरको बस दुर्घटना भएको हो ।

घाइतेहरुको गोदार स्थित रिया पोलिक्लिनिकमा उपचार भइरहेको प्रहरीले जनाएको छ । दुर्घटना पछि फरार भएका बस चालकको खोजी भइरहेको छ ।