कल्भर्ट भत्काउने क्रममा च्यापिएर एक जनाको मृत्यु

काठमाडौं– जुम्लाको पातारासीमा कल्भर्ट भत्काउने क्रममा च्यापिएर एक जनाको मृत्यु भएको छ । तीन जना घाइते भएका छन् ।

Advertisement

पातारासी गाउँपालिका–१ स्थित डलिगाड ठुलो खोलामा शुक्रबार बेलुका पुरानो कल्भर्ट भत्काउने क्रममा च्यापिएर ५३ वर्षीय रन बुढाको घटनास्थलमै मृत्यु भएको जिल्ला प्रहरी कार्यालय जुम्लाका प्रमुख डिएसपी छेदिलाल कामतीले जानकारी दिए ।

त्यस्तै घाइते हुनेमा पातारासी गाउँपालिका–१ का ४१ वर्षीय कर्ण ऐडी, १८ वर्षीय सुरेश बुढा र १६ वर्षीय धन ऐडी रहेको डिएसपी कामतीले बताए ।